«Челси» бош мураббийи Лиэм Росеньор ҳимоячи Трево Чалоба жароҳати сабаб бир ойдан кўпроқ вақтни ўтказиб юборишини маълум қилди.

26 ёшли футболчи Чемпионлар лигаси 1/8 финали доирасида «ПСЖ»га қарши кечган жавоб учрашувида (0:3, биринчи ўйин – 2:5) тўпиғидан жароҳат олган эди. У майдонни замбилда тарк этганди.

«Тревнинг йўқлиги доим ёмон, лекин жароҳат биз бошида ўйлаганчалик оғир эмас. У барибир жиддий, аммо тикланиш тахминан олти ҳафта давом этади», — деди мураббий.

Филип Йоргенсен ҳақида: «Филип сканердан ўтди ва унга кичик жарроҳлик амалиёти керак бўлди. У қадар жиддий эмас, бу бир неча ҳафта вақт талаб этадиган масала».

Рис Жеймс ҳақида: «Риснинг ҳолатини терма жамоалар танаффусидан кейин батафсилроқ баҳолаймиз. Унчалик жиддий эмас, лекин соннинг орқа мушагида нимадир бор. Унинг ҳолатига танаффусдан сўнг аниқлик киритамиз», — деди Росеньор.