«Манчестер Юнайтед» ярим ҳимоячиси Мануэль Угарте жамоадаги ҳолатидан ҳафсаласи пир бўлган.
Мураббийлар алмашинуви ҳам вазиятни ўзгартирмади — уругвайлик футболчи ҳамон кам ўйин амалиётига эга бўлмоқда. United Zone нашри берган маълумотларга кўра, 24 ёшли футболчи норози ва ўзига етарлича баҳо берилмаяпти, деб ҳисоблайди. Агар муносиб таклиф тушса, хавбек ёзги трансфер ойнасида клубни тарк этиши мумкин.
Мануэль Угарте 2024 йилнинг ёзида «ПСЖ»дан 50 млн евро эвазига «Манчестер Юнайтед»га ўтган эди. Transfermarkt талқинига кўра, футболчининг ҳозирги баҳоси 30 млн еврони ташкил этади. АПЛнинг жорий мавсумида таянч ярим ҳимоячиси 20 бор майдонга тушди ва самарали ҳаракатлари билан ажралиб туролмади.
