«Челси» бош мураббийи Лиам Росеньор ярим ҳимоячи Энцо Фернандеснинг келажаги борасида тўхталиб ўтди.
Яқинда аргентиналик футболчи клубдаги кейинги фаолияти ҳақидаги саволга аниқ жавоб бермай, эҳтимолий кетиши ҳақидаги миш-мишларни авж олдирган эди.
«Биз Энцо билан жуда яхши суҳбатлашиб олдик. У клубимизда бахтли эканлигини очиқ-ойдин билдирди», — дея Росеньорнинг сўзларини келтирмоқда журналист Фабрицио Романо.
25 ёшли хавбек учун асосий даъвогар Мадриднинг «Реал» клуби ҳисобланмоқда, шунингдек, «ПСЖ»нинг қизиқиши ҳақида ҳам маълумотлар пайдо бўлган эди. Жаҳон чемпионининг «кўклар» билан шартномаси 2032 йилгача мўлжалланган, унинг қиймати эса Transfermarkt портали томонидан 90 млн еврога баҳоланмоқда.
