Лондоннинг «Тоттенхэм» клуби Англия Премьер-лигасининг 31-тури доирасида «Ноттингем Форест»га (0:3) имкониятни бой бериб, ўз тарихидаги ғалабасиз ўйинлар сони бўйича антирекордни янгилади. Учрашув Лондондаги «Тоттенхэм Хотспур» стадионида бўлиб ўтди.
Squawka нашрининг X ижтимоий тармоғидаги хабарига кўра, жамоанинг бундан олдинги энг ёмон серияси 91 йил аввал қайд этилган эди. «Шпорлар» чемпионат доирасида 2025 йилнинг 28 декабридан бери ғалаба нималигини билишмаяпти — ўшанда 18-турда «Кристал Пэлас» мағлуб этилганди (1:0).
Ҳозирда «Тоттенхэм» Англия чемпионати турнир жадвалида 17-ўринни эгаллаб турибди. Игор Тудор шогирдлари 31 ўйинда 30 очко жамғаришган. «Ноттингем Форест» эса ушбу ғалаба эвазига лондонликлардан икки очкога ўзиб кетди. Айни дамда «Тоттенхэм»ни хавфли ҳудуддан (қуйи лигага тушиб кетиш зонасидан) атиги бир очко ажратиб турибди.
