Каталониянинг «Барселона» клуби Испания чемпионатининг навбатдаги тури доирасида «Райо Вальекано» устидан минимал ҳисобда ғалаба қозонди.
Уругвайлик ҳимоячи Рональд Араухо томонидан киритилган гол «Барса»га Испания чемпионати доирасидаги голли сериясини 50 та ўйинга етказиш имконини берди. «Барса» охирги марта 2024 йил 15 декабрда «Леганес»га қарши баҳсда гол ура олмаган эди. Ўшанда жамоа сенсацион тарзда 0:1 ҳисобида мағлуб бўлганди.
Эслатиб ўтамиз, Испания чемпионатининг навбатдаги турида клуб Мадриднинг «Атлетико» жамоасига қарши майдонга тушади. Ҳозирча каталонияликлар турнир жадвалида тўрт очколик фарқ билан пешқадамлик қилмоқдалар.
