«Манчестер Юнайтед» марказий ҳимоячиси Харри Магуайр ҳеч қаерга кетиш ниятида эмас.

33 ёшли футболчининг «қизил иблислар» билан шартномаси мавсум якунида ниҳоясига етади ва бир қатор клублар инглиз футболчисини эркин агент сифатида ўз сафига қўшиб олиш истагини билдиришган. Transfer News Live нашрининг TEAMtalk га таяниб хабар беришича, Магуайр «Тоттенхэм», «Эвертон», «Сандерленд» ва «Вест Хэм» клублари билан музокаралар ўтказишни рад этган. Футболчи «Манчестер Юнайтед» билан амалдаги шартномасини узайтиришга жуда яқин турибди.

Харри Магуайр 2019 йилдан бери манкунианликлар шарафини ҳимоя қилиб келмоқда. Жорий мавсумда собиқ сардор 20 та ўйинда майдонга тушиб, иккита гол урди ва битта голли узатмани амалга оширди.