Италиянинг «Милан» клуби собиқ ярим ҳимоячиси Деметрио Альбертини Лука Модричнинг кўрсатаётган ўйинларидан асло ҳайратда эмаслигини маълум қилди. Хорватиялик футболчи ўтган йилнинг ёзида «Милан»га кўчиб ўтган эди ва тез орада бутун Италия чемпионати учун ажойиб харид эканлигини исботлади.
«Мен Лука Модричнинг ўйин сифатидан мутлақо ҳайратда эмасман. Италия чемпионатида суръат бошқа кучли лигаларга қараганда пастроқ, шу маънода унга мослашиш анча осон. Бироқ Модричнинг бунчалик барқарор ўйин кўрсатишини ва майдонда шунчалик кўп вақт ўтказишини кутмагандим», — дея Альбертинининг сўзларини келтиради pianetamilan.it.
Эслатиб ўтамиз, Деметрио Альбертинининг ўзи 1988 йилдан 2002 йилгача «Милан» шарафини ҳимоя қилган.
