Загребнинг «Динамо» клуби «Милан»нинг 40 ёшли ярим ҳимоячиси Лука Модричнинг вакиллари билан хорватиялик футболчининг жонажон клубига қайтиши борасида алоқага чиқди. Бу ҳақда The Touchline нашри хабар бермоқда.

Бироқ, Модрич ёшига қарамай, ҳамон энг юқори савияда ўйнашда давом этмоқчи эканлиги таъкидланмоқда. «Милан» клуби эса янги шартнома масаласи билан фаол шуғулланмоқда ва келишув узайтирилгани ҳақидаги расмий баёнот кейинги ойдаёқ эълон қилиниши мумкин.

Лука Модрич — Загребнинг «Динамо» клуби тарбияланувчиси бўлиб, жамоанинг асосий таркибида 118 та ўйин ўтказган, 32 та гол урган ва 21 та голли узатмани амалга оширган.

Хорватиялик ярим ҳимоячи ўтган ёздан бери «Милан» шарафини ҳимоя қилиб келмоқда. Ушбу давр мобайнида футболчи 32 та учрашувда майдонга тушиб, рақиблар дарвозасини икки бор ишғол қилди ва учта ассист муаллифига айланди.