FC Inter News нашрининг хабарига кўра, «Интер» клуби шу ёзда «Тоттенхэм» дарвозабони Гульельмо Викариони сотиб олишга қатъий қарор қилган.
«Нерадзуррилар» Ян Зоммер ва Хосеп Мартинеснинг жамоадан кетиши эҳтимоли фонида дарвозабонлар чизиғини бутунлай янгиламоқчи.
Викарио Милан клуби учун 1-рақамли нишонга айланган, италиялик посбоннинг ўзини ҳам «Сан-Сиро»га кўчиб ўтиш истиқболи ўзига жалб қилмоқда.
Маълумотларга кўра, дарвозабон Премьер-лиганинг жорий мавсумида «шпорлар»нинг натижалари пасайиб кетгани сабабли ёзда Лондонни тарк этмоқчи. «Интер» футболчининг 2,6 миллион евролик маош талабини қондиришга тайёр. Унинг 30 миллион еврога баҳоланаётган трансфер нархи эса, агар «Тоттенхэм» қуйи лигага тушиб кетса, қайта кўриб чиқилиши мумкин.
