Бразилия ва Франция терма жамоалари пайшанба куни АҚШда ўзаро ўртоқлик учрашуви ўтказишади. Ушбу ўйин ҳақида «селесао» ҳужумчиси Винисиус Жуниор ўз фикрларини билдирди.
«Бу ўйин биз учун жуда муҳим. Франция — ажойиб жамоа. У ерда менинг «Реал»даги жамоадошларим бор — улар ҳам кучли ўйинчилар. Ўйин жуда очиқ руҳда ўтади, чунки ҳеч ким шунчаки ҳимояланишни истамайди. Бу биз учун яхши синов бўлади. Мухлисларимизнинг қўллаб-қувватлашига келсак, бу биз учун доим муҳим. Биз бирлашганимизда, буюк ютуқларга эриша оламиз», — деди Винисиус матбуот анжуманида.
Бразилия ва Франция терма жамоалари ўртасидаги учрашув 27 март куни Тошкент вақти билан тунги соат 01:00 да бошланади.
