Италиянинг «Милан» ҳамда Мадриднинг «Реал» клублари собиқ ҳимоячиси Кристиан Пануччи, агар тегишли шароитлар бўлганида, яъни жароҳатланган футболчилар кўп бўлмаганида, «Наполи» ўз чемпионлик унвонини ҳимоя қила олишига шубҳа қилмаяпти. Ҳозирда Антонио Конте жамоаси А Серия турнир жадвалида фақат учинчи ўринни эгаллаб турибди.

«Агар шунча жароҳатлар бўлмаганида, «Наполи» ҳозир Миланнинг «Интер» клуби билан елкама-елка курашаётган бўларди. Бу шунчаки баҳона эмас, бу факт. Менимча, клуб ҳали иккинчи ўринга кўтарилишга тўла қодир», — дея Пануччининг сўзларини келтиради calcionapoli1926.it.

Кейинги турда неаполликлар «Милан»га қарши майдонга тушишади.