Миланнинг «Интер» клуби ҳимоячиси Маттео Дармиан жамоадаги сўнгги мавсумини ўтказмоқда. 36 ёшли футболчи тез орада эркин агентга айланади: унинг июнь ойи охирида якунига етадиган амалдаги шартномаси узайтирилмайди, деб хабар бермоқда FcInterNews.

Тажрибали ўйинчини ўз сафига қўшиб олишга «Кремонезе» клуби ҳаракат қилиб кўради, бироқ бунинг учун жамоа А Серияда ўз ўрнини сақлаб қолиши лозим. Шунингдек, футболчига «Сассуоло» ва «Монца» клублари ҳам қизиқиш билдирмоқда.

Маттео Дармиан 2020 йилдан буён «нерадзуррилар» шарафини ҳимоя қилиб келмоқда. Жорий мавсумда италиялик фахрий футболчи барча мусобақаларда атиги 6 бор майдонда кўриниш берди. У фаолияти давомида «Парма», «Манчестер Юнайтед», «Торино», «Палермо» ва «Милан» каби клублар рангларини ҳимоя қилган.