Сенегал терма жамоаси бош мураббийи Пап Тиав Африка Миллатлар Кубоги финалида техник мағлубият ёзилгани борасида ўз фикрларини билдирди.
Аввалроқ Африка футбол конфедерацияси (CAF) Марокашнинг апелляциясини қаноатлантирган ва 98-дақиқада Браим Диасга ишлатилган фол учун белгиланган пенальтидан сўнг майдонни тарк этгани учун Сенегалга 0:3 ҳисобидаги техник мағлубият ёзган эди. Сенегалликлар ушбу қарор юзасидан Спорт арбитраж судига (CAS) шикоят қилишган.
«Мен бу саволга жавоб бермайман деб ўйлагандим, чунки бор эътиборим ишимга қаратилган. Энг муҳими — чалғимаслик. Биз Африка чемпиони эканлигимизни биламиз.
Бошқа совринларни қўлга киритиш учун ишлашда давом этамиз. Бизнинг фикримиз аниқ: мусобақалар ва кубоклар майдонда ютилади. Биз буни уддаладик, биз — Африка чемпионларимиз», — деди Тиав.
