«Бавария»нинг 18 ёшли ярим ҳимоячиси Ленарт Карл Германия миллий терма жамоаси сафидаги илк ўйинини Швейцарияга қарши ўртоқлик баҳсида ўтказди. Учрашув Базель шаҳридаги «Санкт-Якоб Парк» стадионида бўлиб ўтди ва меҳмонларнинг 4:3 ҳисобидаги ғалабаси билан якунланди.
Ёш футболчи 63-дақиқада Лерой Сане ўрнига майдонга тушди. Шу пайтга келиб Германия терма жамоаси 3:2 ҳисобида олдинда эди. Sofascore статистик портали унинг ўйинини юқори баҳолаб, 7.4 рейтинг берди.
Жорий мавсумда Ленарт Карл «Бавария» сафида барча мусобақаларда 33 та ўйин ўтказиб, 8 та гол урди ва 5 та голли узатма амалга оширди.













