Жума оқшомида Англия терма жамоаси ўртоқлик учрашуви доирасида Уругвайни қабул қилди. Биринчи бўлим давомида, 38-дақиқадаёқ «уч шерлар» устози Томас Тухель мажбурий ўзгаришни амалга оширди. Вингер Нони Мадуэке жароҳат олиб, ўйинни давом эттира олмади.

Унинг ўрнига майдонга Жаррод Боуэн тушди. Англия терма жамоаси таркибидаги ушбу алмаштириш «Уэмбли» стадионида ҳисоб 0:0 бўлиб турган вақтда юз берди. Баҳс 1:1 ҳисобида якунланди.

Клуб миқёсида Нони Мадуэке Лондоннинг «Арсенал» жамоаси шарафини ҳимоя қилади. Ушбу мавсумда Мадуэке «канонирлар» сафида 31 та ўйинда майдонга тушиб, ўз ҳисобига еттита гол ва тўртта голли узатмани ёздириб қўйишга улгурган эди.