Хорватия миллий терма жамоаси бош мураббийи Златко Далич Лука Модричнинг ўйинлари борасида ўз фикрини билдирди.
Яқинда Италиянинг «Милан» клуби марказий ярим ҳимоячиси Колумбия терма жамоасига қарши кечган ўртоқлик учрашувида (2:1) иштирок этди ва жамоасининг ғалабасига ҳисса қўшди.
«У бизнинг сардоримиз, асосий йўлчи юлдузимиз ва етакчимиз. Уни кўп бора ҳисобдан чиқаришга уринишди, аммо у ноёб ва такрорланмас футболчи. Умид қиламанки, Лука бизга Жаҳон чемпионатида катта муваффақиятларга эришишда ёрдам беради», — деди Далич.
Жорий мавсумда 40 ёшли Модрич барча турнирларда 32 та ўйинда майдонга тушиб, ўз ҳисобига иккита гол ва учта голли узатмани ёздириб қўйди.
