Франция терма жамоаси ҳужумчиси Килиан Мбаппе Бразилия терма жамоаси дарвозабони Эдерсонга урган голини ёдга олди.
Мадриднинг «Реал» клуби футболчиси яқинда бўлиб ўтган ўртоқлик учрашувида бразилиялик посбон билан яккама-якка вазиятга чиқиб, тўпни унинг устидан ташлаб қўйган эди. Ушбу баҳс «уч ранглилар»нинг 2:1 ҳисобидаги ғалабаси билан якунланди.
«Мен Эдерсон бундай вазиятларда тез-тез йиқилишини билардим ва аввал ҳам «Реал» сафидаги ўйинда тўпни унинг устидан ташлаб қўйганман. Ўша ҳужум вақтида нима қилишимни олдиндан билардим», — дея The Touchline Мбаппенинг сўзларини келтиради.
Якшанба куни французлар иккинчи ўртоқлик учрашувини ўтказишди — бу сафар Колумбия терма жамоаси мағлуб этилди (3:1). Килиан Мбаппе эса ушбу баҳсда майдонга 78-дақиқада тушди.
