«Манчестер Сити» ярим ҳимоячиси Жереми Доку қувончли хабар билан ўртоқлашди. У тез орада илк бор ота бўлади.
Бельгиялик футболчи ва унинг ҳамроҳи «шаҳарликлар» стадионида гендер-пати (фарзанднинг жинсини аниқлаш маросими) ўтказишди. Маълум бўлишича, Жереми ва Ширин оиласида ўғил фарзанд дунёга келади. Бўлажак ота-она меросхўр учун ҳали исм танлашмаган.
Ўтган йилнинг ёзида Доку Шириннинг қўлини сўраган эди, тахминан ярим йил аввал эса жуфтлик тўй қилишди. Рафиқаси футболчидан 6 ёш катта.
Докунинг «Манчестер Сити» билан шартномаси 2028 йилнинг ёзига қадар мўлжалланган. Transfermarkt портали футболчини 65 миллион еврога баҳоламоқда.
