Дарвозабон Андре Онана «Манчестер Юнайтед»даги фаолиятидан ҳали умидини узгани йўқ. The Athletic нашрининг хабар беришича, камерунлик футболчи ортга қайтишни ва «қизил иблислар» асосий таркибидаги ўрни учун курашишни истамоқда.

Маълумки, ўтган йилнинг сентябрь ойида Онана «Манчестер Юнайтед»дан Туркиянинг «Трабзонспор» клубига ижара асосида ўтган эди. Ўшандан бери камерунлик посбон 24 та ўйинда майдонга тушиб, ўз дарвозасидан 32 та гол ўтказиб юборди.

Нуфузли Transfermarkt портали мутахассислари 29 ёшли Андре Онананинг бозор қийматини 12 миллион еврога баҳоламоқдалар.

Маълумот учун, ҳозирда «Манчестер Юнайтед» Англия Премьер-лигаси турнир жадвалида учинчи поғонани эгаллаб турибди.