«Барселона» президенти Жоан Лапорта клуб трансферлар бўйича мураббийларнинг талабларини қондираётганини маълум қилди.
«Ўз вақтида Хави Гюндоган билан шартнома имзолашни сўраган эди ва биз уни олиб келдик. Молиявий қийинчиликларга қарамай, биз мураббийларимиз сўраган футболчиларни сотиб олмоқдамиз», — дея журналист Фабрицио Романо Лапортанинг сўзларини келтиради.
Хави Эрнандес «кўк-анорранглилар»ни 2024 йилнинг май ойига қадар бошқарган эди, шундан сўнг жамоа бошқарувини Ханс-Дитер Флик ўз қўлига олди.
Жоан Лапорта яқинда каталонияликлар клуби раҳбарлигига қайта сайланди, у ушбу лавозимни 2021 йилдан бери эгаллаб келмоқда. У президентлик вазифаларига расман фақат ёзда қайта олади.
