Аёллар ўртасидаги Чемпионлар лигасининг 1/4 финал жавоб учрашувида «Барселона» ва Мадриднинг «Реал» жамоалари баҳс олиб боришди. Барселонадаги «Spotify Камп Ноу» стадионида ўтган учрашув каталонияликларнинг 6:0 ҳисобидаги зафари билан тугади.
Ўйинда ҳисобни 8-дақиқада «Барселона» ярим ҳимоячиси Алексия Путельяс очди. 15-дақиқада ҳужумчи Каролина Грэм Хансен «кўк-анорранглилар»нинг устунлигини оширди. 27-дақиқада Ирен Паредес ҳисобни йирик кўринишга келтирган бўлса, 34-дақиқада ҳужумчи Эва Пайор тўртинчи голни урди. Иккинчи бўлимнинг 55-дақиқасида Грэм Хансен дублни расмийлаштирди, 74-дақиқада эса Эсме Бругтс якуний ҳисобни ўрнатди — 6:0.
Биринчи учрашувда ҳам «Барселона» 6:2 ҳисобида ғалаба қозонган эди (умумий ҳисоб — 12:2). Шу тариқа, «Реал» турнир билан хайрлашди, «Барселона» эса ярим финал йўлланмасини қўлга киритди.
