«Ювентус» қанот ҳужумчиси Жереми Бога Италия чемпионатида март ойининг энг яхши ўйинчиси деб топилди. Бу ҳақда А Серия матбуот хизмати турнирнинг расмий сайтида хабар берди.
Ивуарлик форвард соврин учун курашда қуйидаги футболчиларни ортда қолдиришга муваффақ бўлди: Кинан Дэвис («Удинезе»), Анастасиос Дувикос («Комо»), Жованни Симеоне («Торино»), Эван Н'Дика («Рома»), Страхинья Павлович («Милан»).
Ўтган ойда ўтказилган тўртта ўйинда ҳужумчи 3 та гол уришга эришди. Эслатиб ўтамиз, Жереми Бога 2026 йилнинг қишидан бери Турин клубида ижара асосида тўп тепмоқда. Мавсум якунида 29 ёшли футболчи «Ницца» клубига қайтади.
