Лондоннинг «Челси» клуби чап қанот ҳимоячиси Марк Кукурелья ўз позициясида дунё футболида кимни энг зўр деб ҳисоблашини айтди.

Испаниялик футболчи «Пари Сен-Жермен» ва Португалия терма жамоаси шарафини ҳимоя қилаётган 23 ёшли Нуну Мендешни алоҳида эътироф этди.

«Мен ҳозир жуда яхши спорт формасидаман, аммо Мендеш — дунёдаги энг яхши чап қанот ҳимоячиси», — дея Кукурельянинг интервьюсидан иқтибос келтирмоқда журналист Фабрицио Романо.

Жорий мавсумда Нуну Мендеш Луис Энрике жамоаси сафида 35 та ўйинда майдонга тушиб, 6 та гол урди ва 7 та голли узатмани амалга оширди. Март ойида португалиялик футболчи парижликларга Чемпионлар лигаси 1/8 финалида «Челси»ни умумий 8:2 ҳисобида тор-мор этишга ёрдам берган эди.