«Реал»нинг украиналик дарвозабони Андрей Лунин Испания чемпионати 30-тури доирасидаги «Мальорка»га қарши сафар ўйинида қайд этилган сенсацион мағлубиятга изоҳ берди. «Қаймоқранглилар» 1:2 ҳисобида имкониятни бой беришди.

«Бу биз кутган натижа эмас. Аммо ҳали ҳаммаси олдинда. «Реал» охиригача курашади. Қўллаб-қувватлаганликлари учун барчага раҳмат», — деб ёзиб қолдирди 27 ёшли посбон ижтимоий тармоқлардаги саҳифасида.

Ушбу мағлубиятдан сўнг Альваро Арбелоа шогирдлари 69 очко билан Испания чемпионати турнир жадвалида иккинчи ўринни эгаллаб туришибди. «Қироллик клуби» пешқадам «Барселона»дан етти очкога ортда қолмоқда.

Ла Лиганинг кейинги турида «Реал» «Жирона»га қарши майдонга тушади.