Португалиянинг "Спортинг" клуби сафида ҳимоячи позициясида тўп сурувчи Максимилиано Араухо Лондоннинг "Арсенал" жамоасига қарши ўйин олдидан ўз фикрларини билдириб ўтди.
Учрашув УЕФА Чемпионлар лигаси 1/4 финали доирасида бўлиб ўтади ва 7 апрель кунига белгиланган, жавоб ўйини эса 15 апрель куни ўтказилиши режалаштирилган.
"Жуда қийин бўлишини биламиз, лекин биз тайёрмиз. Айни муносиб вақт келди. Бу ажойиб қарама-қаршилик бўлишига ишончим комил", — дея Араухонинг сўзларини келтиради УЕФА расмий сайти.
Шунингдек, футболчи ўз тарихида илк бор мусобақанинг ярим финалига чиқиш жамоа учун катта ютуқ бўлиши ҳақида фикр билдирди.
"Ҳар қандай воқеа қачондир биринчи марта содир бўлади. Умид қиламанки, бизнинг вақтимиз келди", — дея қўшимча қилди у.
