Мадриднинг "Атлетико" клуби ҳужумчиси Антуан Гризманн жамоадаги охирги мавсумини ўтказмоқда. Француз футболчиси ёзда "матрасчилар" сафини тарк этади, у аллақачон "Орландо Сити" билан шартнома имзолаб бўлган.
Чемпионлар Лигаси доирасидаги "Барселона"га қарши ўйин олдидан ҳужумчи Диего Симеоне билан бирга матбуот анжуманида иштирок этди. Аргентиналик мураббий футболчининг тез орада жамоадан кетиши ҳақида тўлқинланиб гапирди.
"Диего туфайли мен ҳатто орзу ҳам қилмаган даражага чиқдим. Мен бу мураббийга қойил қоламан ва уни яхши кўраман. Унинг жамоасида ўйнаш мен учун улкан шараф ва имтиёздир", — дея Гризманннинг реакциясини келтиради Испания ОАВлари.
35 ёшли футболчи "Атлетико" сафидаги жами 489 та учрашувда 211 та гол ва 97 та голли узатмани амалга оширган.
