"Ливерпуль"нинг собиқ футболчиси Жейми Каррагер жамоанинг Чемпионлар лигаси чорак финалининг дастлабки баҳсида "ПСЖ"дан учраган мағлубияти (0:2) ҳақида ўз фикрини билдирди.
Парижликлар ўз майдонларида Дезире Дуэ ва Хвича Кварацхелиянинг голлари эвазига ғалаба қозонишди, бироқ собиқ ҳимоячининг сўзларига кўра, улар анча кўп гол уришлари мумкин эди.
"0:2 ҳисобидаги мағлубият — бундай ўйин учун ажойиб натижа. "ПСЖ" бешта ёки олтита гол уриши мумкин эди. Бугун жамоалар ўртасида катта фарқ борлиги кўринди. "Ливерпуль" қуйи лига вакилига ўхшаб қолди", – деди Каррагер CBS Sports студиясида.
