«Бавария»нинг собиқ ҳимоячиси Лотар Маттеус Мюнхен клуби ҳужумчиси Ҳарри Кейннинг ўйини борасида ўз фикрлари билан ўртоқлашди.

— Кейн ажойиб мавсумни ўтказмоқда, унинг амалдаги шартномаси якунланишига бир йил вақт қолди. У билан келишувни шу ёзда узайтириш «Бавария» учун ҳозирги кунда энг муҳим вазифами?

— Гап фақат унинг ўйинида эмас. Кейн ҳам мухлислар, ҳам журналистлар учун муҳим фигура — у нафақат етакчи футболчи, балки «Бавария»нинг бутун дунёдаги элчисидир. Гап нафақат голларда, балки унинг менталитети ва матбуотга берадиган жавобларида ҳам — Ҳарри ҳақиқий жентльмен. Менимча, клуб у билан шартномани узайтириш учун ҳамма ишни қилади. Ҳозирги келишув 2027 йилгача амал қилади, лекин ёзда, эҳтимол, жаҳон чемпионатидан кейин улар музокаралар столига ўтириб, келажакни муҳокама қилишади.

32 ёшли Кейннинг шартномаси 2027 йилнинг 30 июнида ниҳоясига етади. 2025/26 йилги мавсумда инглиз ҳужумчиси 41 та ўйинда майдонга тушиб, 49 та гол урди ва 5 та голли узатмани амалга оширди.