"Реал" ва Германия терма жамоаси собиқ ярим ҳимоячиси Тони Кроос "Бавария" посбони Мануэль Нойернинг маҳоратига юқори баҳо берди.
"Мен учун Ману барча даврларнинг энг яхши дарвозабони экани — факт. У ўйинини томоша қилиш жуда қизиқ бўлган ягона голкипердир. Унинг майдондаги ҳаракатлари шунчаки ҳайратланарли. Нойер ҳали ҳам ўзининг ноёб ўйин услубига эга ва бу фақат унга хос", — деди Кроос Einfach mal Luppen подкасти эфирида.
Шунингдек, Кроос Нойер уйда ўтган Евро-2024дан кейин тарк этган Германия терма жамоасига қайтиш масаласини кўтармаслик учун етарлича ақлли эканини таъкидлади.
"Шунга қарамай, у шубҳасиз энг яхши немис дарвозабони. Бу билан баҳслашиб бўлмайди ва унга ҳеч қандай далилларнинг кераги йўқ", — дея қўшимча қилди Кроос.
Эслатиб ўтамиз, аввалроқ 40 ёшли Нойер Чемпионлар лигасида ҳафтанинг энг яхши футболчиси деб топилган эди. Жорий 2025/26 йилги мавсумда дарвозабон барча турнирларда 31 та ўйин ўтказиб, 30 та гол ўтказиб юборди ва 10 та баҳсда ўз дарвозаси дахлсизлигини сақлаб қолди.
