Мюнхеннинг «Бавария» клуби ярим ҳимоячиси Леон Горецка Германия Бундеслигасининг 29-тури доирасида «Санкт-Паули» устидан қозонилган сафардаги ғалабадан сўнг ўз фикрлари билан ўртоқлашди. Венсан Компани жамоаси 5:0 ҳисобида зафар қучди.
«Урган голим ўзимга ҳам ёқди. Мураббийимиз ўйин давомида бўшашишга ҳақимиз йўқлигини айтмоқда. Жамоа шиддат билан тезлик олмоқда ва тўхтаб қолмаяпти. Худди локомотив каби ҳаракат қиляпмиз. Шу руҳда давом этишни истаймиз», — дея ярим ҳимоячининг сўзларини келтирмоқда клуб матбуот хизмати.
Германия чемпионатининг 29 туридан сўнг мюнхенликлар 76 очко жамғарган ҳолда турнир жадвалида ишонч билан пешқадамлик қилмоқда. Компани шогирдлари энг яқин таъқибчисини 12 очкога ортда қолдирмоқда.
