«Бавария»нинг ҳужумкор ярим ҳимоячиси Жамал Мусиала Чемпионлар лигаси 1/4 финали доирасида Мадриднинг «Реал» клубига қарши бўлиб ўтадиган жавоб учрашуви олдидан ўз кайфияти билан ўртоқлашди.
«Бизнинг кайфиятимиз ҳар доим ижобий бўлиши керак. Ҳа, биз кейинги босқичга ўтамиз», — дея жавоб берди Мусиала шанба куни «Санкт-Паули» устидан қозонилган йирик ғалабадан (5:0) сўнг Sky Sport нашрига берган интервьюсида.
Мюнхенликлар ва «қаймоқранглилар» қарама-қаршилиги ғолиби ярим финалда «Пари Сен-Жермен» ёки «Ливерпуль» жамоаларидан бири билан ўйнайди.
