«Бавария» дарвозабони Мануэль Нойер фаолиятида илк бор хориж клубига ўтиши мумкин. Мюнхенликларнинг 40 ёшли сардори муддати тугаётган шартномасини узайтириш ёки узайтирмаслик борасида ҳали бир қарорга келмаган, шунингдек, фахрий футболчининг фаолиятини якунлаш борасидаги режалари ҳам ноаниқлигича қолмоқда.

Шу билан бирга, Futbol de Inglaterra нашрининг хабар беришича, Англиянинг «Брайтон» клуби Нойерга жиддий қизиқиш билдирмоқда. Агар манбага ишонилса, трансферни шахсан «чайкалар» бош мураббийи Фабиан Хюрцелер талаб қилмоқда — у ўз жамоасида юлдузли ҳамюртини кўришни истайди.

Мануэль Нойер 2011 йилдан бери «Бавария» шарафини ҳимоя қилиб келмоқда. Мавжуд маълумотларга кўра, меҳнат шартномасини узайтириш бўйича музокаралар шу ойда бўлиб ўтиши керак.