«Bavariya» darvozaboni Manuel Noyer faoliyatida ilk bor xorij klubiga o‘tishi mumkin. Myunxenliklarning 40 yoshli sardori muddati tugayotgan shartnomasini uzaytirish yoki uzaytirmaslik borasida hali bir qarorga kelmagan, shuningdek, faxriy futbolchining faoliyatini yakunlash borasidagi rejalari ham noaniqligicha qolmoqda.
Shu bilan birga, Futbol de Inglaterra nashrining xabar berishicha, Angliyaning «Brayton» klubi Noyerga jiddiy qiziqish bildirmoqda. Agar manbaga ishonilsa, transferni shaxsan «chaykalar» bosh murabbiyi Fabian Xyurseler talab qilmoqda — u o‘z jamoasida yulduzli hamyurtini ko‘rishni istaydi.
Manuel Noyer 2011 yildan beri «Bavariya» sharafini himoya qilib kelmoqda. Mavjud ma’lumotlarga ko‘ra, mehnat shartnomasini uzaytirish bo‘yicha muzokaralar shu oyda bo‘lib o‘tishi kerak.
