«Челси» ва Франция терма жамоаси собиқ футболчиси Марсель Десайи «Ал-Ҳилол» ҳужумчиси Дарвин Нуньесга Англия Премьер-лигасига қайтишни маслаҳат берди.
«Унинг учун «Челси» ёки янгиланаётган «Манчестер Юнайтед» каби клублар энг муносиб вариант бўлган бўларди», — деди Десайи.
Дарвин Нуньес 2025 йилда «Ливерпуль»дан 53 миллион евро эвазига «Ал-Ҳилол»га ўтган эди. Унинг шартномаси 2028 йилнинг 30 июнига қадар мўлжалланган. Жорий мавсумда уругвайлик ҳужумчи Саудия клуби сафида барча турнирларда 24 та ўйинда майдонга тушиб, 9 та гол урди ва 5 та голли узатмани амалга оширди. Transfermarkt портали Нуньеснинг қийматини 25 миллион еврога баҳоламоқда.
