«Ливерпуль» ярим ҳимоячиси Доминик Собослаи Чемпионлар лигаси чорак финали доирасидаги «ПСЖ»га қарши жавоб ўйини олдидан ўз фикрларини билдирди. Дастлабки баҳсда инглизлар Парижда 0:2 ҳисобида мағлуб бўлишган эди. Жавоб учрашуви бугун Ливерпулда бўлиб ўтади. Ўйин Тошкент вақти билан соат 00:00 да (16 апрелга ўтар кечаси) бошланади.

«Мен эртага майдонда ўлишга ҳам тайёрман. Барча футболчилар номидан гапиришим мумкин — биз ғалаба қозонишни жуда ҳам хоҳлаймиз ва бунинг учун боримизни бериб ишлаймиз. «Энфилд»да ҳар қандай воқеа содир бўлиши мумкин. Бу мутлақо бошқача ўйин бўлади», — дея футболчининг сўзларини журналист Фабрицио Романо етказмоқда.

Жорий мавсумда Собослаи ҳисобида АПЛда 30 та ўйин, 5 та гол ва 3 та голли узатма мавжуд. Transfermarkt портали ярим ҳимоячини 100 млн еврога баҳоламоқда.