Бугун Мадриднинг «Реал» клуби Чемпионлар лигаси чорак финалининг жавоб учрашувида сафарда «Бавария»га қарши майдонга тушади.

«Қаймоқранглилар»га фақат ғалаба керак: дастлабки баҳсда улар ўз майдонларида 1:2 ҳисобида имкониятни бой беришган эди. Tiempo de Juego нашрининг хабар беришича, «Реал»нинг ярим ҳимоя чизиғида илк дақиқалардан Тьяго Питарч, Федерико Вальверде, Жуд Беллингем ва Браим Диас ҳаракат қилиши кутилмоқда — бош мураббий Альваро Арбелоа айнан уларга асосий урғуни қаратмоқчи. Эдуардо Камавинга ва Арда Гюлер эса учрашувни захира ўриндиғида бошлаши тахмин қилинмоқда.

Мюнхендаги ўйиннинг старт ҳуштаги Тошкент вақти билан соат 00:00 да чалинади. Ушбу жуфтлик ғолиби ярим финалда «Ливерпуль»ни умумий 4:0 ҳисобида мағлуб этган «ПСЖ» билан куч синашади.