Украинанинг «Шахтёр» клуби устози Арда Туран ўз жамоасининг Конференциялар лигаси ярим финалига чиққани борасида фикр билдирди.
«Мен АЗ жамоасига катта ҳурмат билан қарайман. Биз анча кескин курашлар остида кечган ўйинни ўтказдик. Тактик жиҳатдан «Шахтёр» ўзини жуда яхши кўрсата олди. Бундай рақибга қарши туриш осон бўлмади, мезбонлар бизни доимий равишда прессинг остида ушлаб туришди», — дея туркиялик мутахассиснинг сўзларини келтиради УЕФА матбуот хизмати.
Эслатиб ўтамиз, биринчи ўйинда «Шахтёр» АЗни 3:0 ҳисобида мағлуб этган эди, жавоб учрашуви эса 2:2 ҳисобидаги дуранг билан якунланди.
Конференциялар лигаси финали йўлланмаси учун Украина жамоаси Англиянинг «Кристал Пэлас» клубига қарши баҳс олиб боради.
