«Манчестер Сити» ҳужумчиси Эрлинг Холанд жамоа олдидаги вазифалар ҳақида тўхталиб ўтди. Якшанба куни «шаҳарликлар» ўз майдонида «Арсенал»га қарши баҳс олиб боради — ушбу учрашув Премьер-лига чемпионлик пойгаси тақдирини ҳал қилиши мумкин.
«Манчестер Сити»да совринлар ютиш шарт. Бир неча ҳафта олдин Лига Кубоги финалида ғалаба қозондик — бу ёқимли туйғу. Бироқ бу биз учун стандарт бўлиши керак. Ҳар биримиз кўпроғини хоҳлашимиз ва ҳар мавсумда совринлар ютишимиз лозим — бизнинг клубда бу мажбурийдир», — дея инглиз ОАВлари Холанднинг сўзларини келтиради.
Хосеп Гвардиола ва Микель Артета жамоалари ўртасидаги ўйин Тошкент вақти билан 20:30 да бошланади. Айни дамда «канонирлар» 70 очко билан турнир жадвалида пешқадамлик қилмоқда, бироқ «Сити»да (64 очко) захирада битта ўйин мавжуд.
