«Атлетико» бош мураббийи Диего Симеоне жамоасининг Испания Кубоги финалида «Реал Сосьедад»га қарши ўйиндаги мағлубияти (2:2, пенальтилар сериясида 3:4) ҳақида фикр билдирди.
«Аввало рақибни табрикламоқчиман. Биринчи голдан кейин яхши жавоб қайтардик, аммо шундан сўнг ўйин суръати унчалик юқори бўлмади. Танаффусдан кейин суҳбатлашиб, тактикамизни ўзгартирдик ва керакли тарзда ўйнай бошладик. Учинчи голни уриш имкониятимиз бор эди — Жонни ва Баэнада вазиятлар бўлди. Қўшимча вақтда ҳар икки жамоада ҳам биттадан имконият бўлди: Хулианнинг зарбаси устунга тегди, Муссо эса сейв қилди. Биз муносиб ўйин кўрсатдик, аммо афсуски, пенальтилар сериясида омад улар томонда бўлди. Уларни табриклайман», — деди Симеоне Marca нашрига берган изоҳида.
Бу ғалаба «Реал Сосьедад» учун тарихдаги тўртинчиси бўлди. Ўтган йили мусобақа ғолиби «Барселона» бўлган эди.













