Мадриднинг «Реал» клуби ярим ҳимоячиси Орельен Тчуамени бутун жамоа Винисиус Жуниорни қўллаб-қувватлашга тайёр эканини маълум қилди. Бразилиялик ҳужумчи ўйинлар вақтида бир неча бор ирқчилик асосидаги ҳақоратларга дуч келган ва бу катта можароларга сабаб бўлган эди.
Тчуаменининг сўзларига кўра, «Реал»да бундай ҳолатларга ортиқ тоқат қилинмайди.
«Агар Винисиусга нисбатан ирқчилик ҳақоратлари яна такрорланса, барчамиз майдонни тарк этамиз. Биз ўйинни тўхтатамиз. Бундай ҳолат ҳеч қачон содир бўлмаслиги керак», — дея франциялик футболчининг фикрларини The Touchline нашри келтирмоқда.
Сешанба куни, 21 апрель куни Альваро Арбелоа шогирдлари Ла Лига 32-тури доирасида ўз майдонларида «Алавес»ни қабул қилишади.
