«Манчестер Сити» ҳужумчиси Эрлинг Холанд АПЛнинг 33-туридан ўрин олган «Арсенал»га қарши ўйинда жамоасини ҳисобда олдинга олиб чиқди.
25 ёшли норвегиялик футболчи учрашувнинг 65-дақиқасида гол уришга муваффақ бўлди.
Эндиликда Холанднинг «Манчестер Сити» ва Норвегия терма жамоаси сафидаги ушбу мавсумда урган голлари сони 53 та ўйинда 47 тага етди.
Шунингдек, Эрлинг АПЛдаги 23-голини киритиб, тўпурарлар рўйхатида якка пешқадамлик қилмоқда. Унинг энг яқин таъқибчиси — «Брентфорд» ҳужумчиси Игор Тиаго ҳисобида 21 та гол мавжуд.
