«Барселона»нинг 18 ёшли вингери Ламин Ямаль яна бир нуфузли совринни қўлга киритди — у Laureus World Young Sportsman of the Year мукофоти совриндори бўлди. Бу ҳақда Sports.kz хабар бермоқда.
Ямаль бундан аввал ҳам Laureus мукофотини «Йил кашфиёти» номинациясида қўлга киритган эди, энди эса у йилнинг энг яхши ёш спортчиси сифатида эътироф этилди.
Совринни қабул қилганидан сўнг Ямаль бу унинг учун алоҳида аҳамиятга эга лаҳза эканини таъкидлаб, оиласи, жамоаси ва уни қўллаб-қувватлаётган барча инсонларга миннатдорлик билдирди.
Шунингдек, у Лионель Месси ҳақида ҳам алоҳида фикр билдирди:
«Месси мен учун тарихдаги энг яхши футболчи, балки энг буюк спортчи ҳамдир. У қилган ишлари учун ҳамма уни ҳурмат қилади. Мен унинг йўлини давом эттиришга умид қиламан», — деди Ямаль.













