«Челси» бош мураббийи Лиам Росеньор, жамоани Чемпионлар лигасига йўлланма берувчи ўринларга қайтариш учун курашаётган бир пайтда, клуб хўжайинлари томонидан ҳамон тўлиқ қўллаб-қувватланаётганига ишонади.
«Кўклар» кетма-кет тўртта ўйинда гол ура олмай мағлубиятга учрагач, Премьер-лига жадвалида бешинчи ўринда бораётган «Ливерпуль»дан етти очко ортда қолмоқда.
«Мен қўллаб-қувватлашни юз фоиз ҳис қиляпман. Кундалик суҳбатларимизда улар мени қўллаб-қувватлашмоқда, мени ва жамоани қўллаб-қувватлаш борасида улар ажойиб иш қилишяпти. Ҳозир футбол ўйинларида ғалаба қозонишимиз кераклиги борасида фикримиз бир жойдан чиқмоқда. Бу бизнинг узоқ муддатли ва барқарор муваффақиятга эришиш йўлидаги интилишларимизга зид эмас.
Биз ўз вазифамизни жуда мураккаблаштириб юбордик. Бу борада очиқ ва реалист бўлишимиз керак. Аммо таслим бўлишга ҳаққимиз йўқ. Курашишни давом эттиришимиз лозим. «Брайтон»га қарши ўйинда «Манчестер Юнайтед» билан баҳсда кўрганим — энергия, шиддат ва ўйинга берилиш каби сифатларни намойиш этишимиз шарт. Бироқ ўшанда биз дарвозамиз дахлсизлигини сақлай олмадик ва вазиятлардан фойдалана олмадик, шу сабабли ҳар иккала жарима майдончаси ичида янада қатъиятли ва шафқатсизроқ бўлишимиз керак», — дея инглиз мутахассисининг сўзларидан иқтибос келтиради PA агентлиги.
Бугун, 21 апрель куни «Челси» сафарда «Брайтон» меҳмони бўлади.
