«Барселона» бош мураббийи Ханси Флик жамоасининг еврокубоклардаги иштирокини якунлаганидан сўнг ўз фикрлари билан ўртоқлашди. Немис мутахассиси мағлубиятга қарамай, футболчиларининг кўрсатган ўйинидан фахрланишини таъкидлади.
«Биз охирги икки ўйинда ажойиб ҳаракат қилдик ва мен жамоам билан фахрланаман. Энди асосий эътибор Ла Лигага қаратилади. Биз турнир жадвалида маълум устунликка эгамиз, бироқ чемпионлик пойгаси ҳали тугагани йўқ», — деди Флик.
Шунингдек, мураббий «Атлетико»га қарши баҳсдаги иродани мисол қилиб келтирди:
«Биз клуб, жамоа ва мухлислар учун бор кучимизни сарфлаймиз. ЕЧЛни тарк этиш оғриқли, аммо бу бизга ички чемпионатдаги бўлажак ўйинлар учун қўшимча куч бағишлайди».
