«Арсенал» клуби собиқ футболчиси ва таниқли эксперт Пол Мерсон «Челси» юлдузи Коул Палмернинг фаолиятидаги эҳтимолий ўзгаришлар ҳақида гапирди. Мерсоннинг фикрича, «Челси»нинг Чемпионлар лигасига йўлланма ололмагани футболчининг кетишига сабаб бўлиши мумкин.

«Чемпионлар лигасидан қуруқ қолиш «Челси» учун оғир зарба бўлади. Коул Палмер Конференциялар лигаси ёки Европа лигасида ўйнашга рози бўлади деб ўйлайсизми? Мен бунга ишонмайман. «Манчестер Юнайтед» ЕЧЛ йўлланмасини қўлга киритади ва Палмер келаси мавсумни ўша ерда бошласа, бундан асло ҳайратланмайман», — деди Мерсон.

Эслатиб ўтамиз, Палмер 2023 йилда «Манчестер Сити»дан 47 миллион евро эвазига сотиб олинган эди. Жорий мавсумда 23 ёшли ярим ҳимоячи «кўклар» сафида 28 та ўйинда майдонга тушиб, 10 та гол ва 3 та голли узатмага муаллифлик қилди. Унинг Лондон клуби билан шартномаси 2033 йилгача имзоланган.