Лондоннинг «Челси» клуби Англия чемпионати тарихида сўнгги 114 йил ичида кузатилмаган шармандали натижани қайд этди. Бу ҳақда Squawka статистик портали ўзининг Х (собиқ Twitter) саҳифасида хабар бермоқда.
Сешанба, 21 апрель куни лондонликлар «Брайтон»га 0:3 ҳисобида имкониятни бой беришди. Бу Лиам Росеньор шогирдлари учун АПЛ доирасидаги қаторасига бешинчи мағлубият бўлди. Энг ачинарлиси, «аристократлар» ушбу бешта ўйиннинг бирортасида рақиб дарвозасига йўл топа олишмади.
«Челси»нинг омадсизликлар серияси қуйидагича кўриниш олди:
-
«Манчестер Юнайтед» — 0:1;
-
«Манчестер Сити» — 0:3;
-
«Эвертон» — 0:3;
-
«Ньюкасл» — 0:1;
-
«Брайтон» — 0:3.
Айни пайтда «Челси» 34 та ўйиндан сўнг 48 очко билан турнир жадвалининг 7-поғонасини эгаллаб турибди. Жамоа навбатдаги учрашувини 4 май куни ўз майдонида «Ноттингем Форест»га қарши ўтказади.
