«Интер Майами» ярим ҳимоячиси Родриго де Пауль жамоадоши Луис Суаресни мақтади.
Ҳар икки футболчи МЛС доирасида «Реал Солт-Лейк»ка қарши кечган ва 2:0 ҳисобидаги ғалаба билан якунланган ўйинда биттадан гол уришди: аргентиналик 82-дақиқада рақиб дарвозасини ишғол қилган бўлса, 39 ёшли уругвайлик 83-дақиқада якуний ҳисобни ўрнатди.
«Бу «тўппонча» — ўзига хос, у жуда кучли. Маҳорат, тажриба, камтарлик. У энг муҳим паллаларда доим бор кучини беради. Афсона», — дея Inter Miami News Hub де Паульнинг Суарес ҳақидаги сўзларини келтиради.
«Барселона»нинг собиқ ҳужумчиси МЛСнинг жорий мавсумида ўз ҳисобига иккита гол ёздириб қўйди.
