Роберт Левандовскининг агенти Пини Захави яна Миланга келиши кутилмоқда. Польяк ҳужумчисининг келажаги тез-тез «Милан» клубига трансфер қилиниши билан боғланмоқда.
Шу билан бирга, Захави ҳозирда «Милан» шарафини ҳимоя қилаётган Кристофер Нкункунинг ҳам ишларини юритишини унутмаслик керак. Журналист Фабрицио Романонинг хабарига кўра, Левандовскида МЛС ва Саудия Арабистонидан ҳам таклифлар мавжуд.
«МЛС ва Саудия Арабистонидан жуда қизиқарли таклифлар бор. Ҳозирда унинг агенти барча таклифларни, жумладан, Италиядан бўлаётган қизиқишларни ҳам диққат билан таҳлил қилмоқчи», — дея Романонинг сўзларини келтиради pianetamilan.it.
Эслатиб ўтамиз, айни дамда Роберт Левандовски Каталониянинг «Барселона» клуби аъзоси ҳисобланади.
