Ҳужумчи Ансу Фати шу ёзда Испания терма жамоаси таркибида Жаҳон чемпионатига бориш фикридан қайтгани йўқ. Унинг ҳисобида жорий мавсумда аллақачон ўнта гол мавжуд — айтиш мумкинки, «Барселона»нинг собиқ аъзоси, гарчи жамоа учун янги Месси ёки Ямалга айлана олмаган бўлса-да, қайта «тирилмоқда».
Қизиқарли статистикага кўра, Фати ҳозирда испаниялик футболчилар ичида энг кўп гол ураётган ўйинчи ҳисобланади: у ўртача ҳар 111 дақиқада рақиб дарвозасини ишғол қилмоқда. Таққослаш учун, Ферран Торрес ҳар 126 дақиқада, Ламин Ямал эса ҳар 153 дақиқада гол урмоқда. Шу сабабли Фати мундиалга боришдан умидвор, айниқса, агар Ямал олган жароҳати сабабли турнирни ўтказиб юбориши маълум бўлса, унинг имкониятлари янада ортади.
