«Брайтон» ярим ҳимоячиси Карлос Балеба «Манчестер Юнайтед»нинг асосий трансфер мақсадларидан бири бўлиб қолмоқда. «Қизил иблислар» ўтган ёздаёқ камерунлик футболчига асосий даъвогар ҳисобланишган эди, бироқ ўшанда «чайкалар» харидорларни чўчитиш учун атайлаб жуда катта сумма талаб қилишган.

The Athletic нашрининг маълумотларига кўра, «Манчестер Юнайтед» 50 миллион фунт стерлинг (қарийб 58 миллион евро) ярим ҳимоячини сотиб олиш учун етарли бўлади деб ҳисобламоқда. 22 ёшли футболчи ҳозирги мавсумни у қадар яхши ўтказмаяпти, бу эса унинг нархига албатта таъсир қилади.

Transfermarkt порталида Карлос Балебанинг тахминий қиймати 55 миллион евро этиб белгиланган. АПЛнинг жорий мавсумида «Брайтон» сафида 27 та ўйинда иштирок этди ва самарали ҳаракатлар билан ажралиб тургани йўқ.